Ինձ համար զավեշտ է, ոնց կարող էր մեր ընկեր Հայկոն, որ բավականին ինտելեկտուալ շրջապատի մեջ էր, դուրս գալ հրապարակ եւ խեղկատակի նման շարժումներ անել

«Հպարտը ո՞րն է, հողի հետ աշխատողը հպա՞րտ է, հողի հետ աշխատողը հողի հետ կապված է ամեն ինչով… Ինքը ոչինչ չի ծախում, հողը մշակում է, որպեսզի պտուղ ստանա, պտուղը վաճառի, իր ընտանիքի հանապազօրյա հացը վաստակի… Հպարտը ո՞րն է»,-վարչապետ Նիկոլ Փաշինյանի հայտնի արտահայտության մասին «Հայելի» ակումբում հարց հնչեցրեց երգչուհի Շուշան Պետրոսյանը:

«Այդ մարդը այս երկրին ոչ մի օգուտ չի տվել, խեղել է հերոսներին, վարկաբեկել հերոսի կերպարը»,-ասաց երգչուհին: Իր գործընկերների մասին խոսելիս էլ երգչուհին ասաց, որ ժամանակին ոմանք ոչ թե Նիկոլ Փաշինյանին են ընտրել, այլ ուղղակի իր դեմ ցույց էին արել:

Կարդացեք նաև Շուշան Պետրոսյանը` «ականջները կախ» հրաման կատարելու ու «մլիցայությունից» ձերբազատվելու մասին «5000-ից ավելի երեխեքի արյունն իրենց ձեռքերին է». Շուշան Պետրոսյան Վարչապետի միջպետական հեռախոսազրույցները պաշտոնավարման ընթացքում. Վահե Ղուկասյան «Ես շատ լավ հիշում եմ Հայկ Մարությանի, մեր ընկեր Հայկոյի ելույթները, որ առիթ բաց չէր թողնում այս կամ այն լրատվականով ելույթ ունենար ու ասեր, թե ինչիս էր պետք իմ գնալը խորհրդարան, ես պիտի երգեի… Հիմա ես ամեն օր նայում եմ իր սկեթչերը, նույն միտքն է գալիս մի տարբերությամբ. ես երկրիս ծառայել եմ ու ծառայում եմ մինչեւ հիմա, իսկ իր ծառայությունը դեռ չեմ տեսել…

Ինքը մի ամբողջ ազգ բաժանեց սեւերի ու սպիտակների եւ դա արեց հրապարակավ…Ինձ համար զավեշտ է, ոնց կարող էր մեր ընկեր Հայկոն, որ բավականին ինտելեկտուալ շրջապատի մեջ էր, հաստատ «Գանձերի կղզին», «15-ամյա նավապետը» կարդացած երեխեքի մեջ էր, դուրս գալ հրապարակ եւ խեղկատակի նման շարժումներ անել, սեւեր-սպիտակներ հայտարարել, որը եղավ ողբերգական եւ որոշիչ՝ հասարակությունը հիվանդացնելու առումով»,-ասաց Շուշան Պետրոսյանը: Նրա ձեւակերպմամբ, այլեւս ներկա իրավիճակը հանդուրժել չի կարելի: «Այսպես շարունակվել չի կարող, պետք է հարմարավետ կոմպյուտերային անկյունիկներից դուրս գալ փողոց, փետրվարի 20-ին գալ հրապարակ…

Շատ շատերն են լինելու այնտեղ, մարդիկ, որոնք զգում են ողբերգությունը, հրատապությունը` այս չարիքից ազատվելու… խնդրում եմ, թողեք ձեր հարմարավետ անկյունները եւ եկեք հրապարակ երկիրը պահելու եւ ինչու չէ՝ Արցախը մի օր վերադարձնելու համար»,-կոչ արեց երգչուհին:

Շուշան Պետրոսյանը վերլուծելով մեր երկրի հետ տեղի ունեցածը` կարծում է, որ մի ամբողջ ինստիտուտ է աշխատել այս ամենը կազմակերպելու :