Եթե անգամ Սամվել Կարապետյանը կորցնի ՀԷՑ-ը՝ իր գումարները հետ է ստանալու. ժողովրդի հաշվին իրենց քաղաքական հարցն են լուծում. Դավիթ Ղազինյան
Հասարակություն
ՀԷՑ-ի նկատմամբ հարուցված վարույթի քննությանը ներգրավված են «Տաշիր կապիտալը» և կիպրոսյան կազմակերպությունը, շատ հետաքրքիր նիստ է սպասվում։ Այս մասին այսօր հրավիրված ասուլիսում ասաց ՀԷՑ նախկին գլխավոր տնօրենի պաշտոնակատար Դավիթ Ղազինյանը։
«Ես պահանջելու եմ, որպեսզի ժամանակային սահմանափակում չլինի, ռեգլամենտ կա, հարց ու պատասխան։ Նիստին անակնկալներ էլ են սպասվում շատ, որոնք ես այսօր բնականաբար չեմ բացի։ Բավականին հետաքրքիր նիստ է սպասվում»,-ասաց նա՝ ընդգծելով, որ համոզված է, որ իրենք լիցենզիայից զրկելու ճանապարհով են գնալու։
«Կտեսնեք՝հանձնաժողովի անդամների աչքերին, ոչ մեկ աչքերը չի բարձրացնելու, բայց գնալու են այդ որոշման։ Մեր խնդիրը պայքարելն է, բայց առաջին հերթին մեր հասարակությանը ցույց տալն է, թե ինչ է կատարվում»։
Նա ընդգծեց, որ եթե անգամ Սամվել Կարապետյանը վերջին հաշվով կորցնի ՀԷՑ-ը՝ իր գումարները ստանալու է։ «Այսինքն, ժողովրդի հաշվին, ընդամենը քաղաքական հարց են լուծում իրենց համար։ Միաժամանակ, ՀԷՑ-ի կառավարումը շատ մտահոգիչ է ինձ համար, լինելով ներսի մարդ՝ ես ինչեր եմ լսում ու տեսնում՝ Աստված էլ բեթարից ազատի»,-ասաց Ղազինյանը։
