ՖՈՏՈՇԱՐՔ․ Ուզում ենք օր առաջ մեզ ազատեք այս իշխանություններից․ վանաձորցիները` ՀՃՇ անդամներին
Հասարակություն
«Համահայկական Ճակատ» շարժման և «Համահայկական Ճակատ» կուսակցության անդամները այցելեցին Վանաձոր և մեկ օրվա ընթացքում հարյուրավոր վանաձորցիների ներկայացրին «Համահայկական ճակատ» շարժման առաջնորդ գեներալ Արշակ Կարապետյանի մտահոգությունները սահմանային անվտանգության, արտաքին հարաբերությունների, երկրում օրեցօր խորացող տնտեսական և սոցիալական ճգնաժամի, ահագնացող արտագաղթի, թշնամու նկրտումների, Բաքվի բանտերում պահվող հայ ռազմագերիների, Մայր Աթոռի նկատմամբ ոտնձգությունների, անօրինական ձերբակալությունների ու հետապնդումների մասին և առաջարկվող լուծումները։ Վանաձորցիները առաջարկում էին օր առաջ ազատվել այս ապազգային իշանություններից և օր առաջ ամրացնել մեր սահմաններն ու անվտանգությունը։ «Խաղաղության կեղծ օրակարգը միայն Էրդողանի ու Ալիևի շահերից է բխում»,- ասում էին վանաձորցիները, որոնց մի զգալի մասը նաև խորը հիասթաթություն ուներ, թե Հայաստանում հնարավոր է ընտրական գործընթացով իշխանափոխություն իրականացնել՝ մեջբերելով հենց Վանաձորի քաղաքապետի ընտրության փորձը, երբ քաղաքապետ ընտրեցին, բայց այս իշխանության թեթև ձեռքով կալանավորվեց ու Վանաձորը անտերության մատնվեց։
