Սա ճիշտ ճանապարհ չէ և ճիշտ տեղ չի տանում ո'չ Հայաստանը, ո'չ հայ ժողովրդին․ Մհեր Ավետիսյան
Քաղաքականություն
Մհեր Ավետիսյանը ֆեյսբուքյան իր էջում գրել է․
Այն, որ Հայաստանում ցանկալի չէ, կամ ավելի հստակ` չի կարելի ատելություն տարածել որևէ այլ ազգի նկատմամբ, այդ թվում մեր հարևան պետությունների և ժողովուրդների նկատմամբ, դա ակնհայտ է և այս իրողության հետ պետք է հաշվի նստել։ Բայց այնպիսի տպավորություն է, որ Հայաստանում միայն մեկ պետություն և մեկ ժողովուրդ կա, ում նկատմամբ կարելի է ատելություն տարածել և մնալ անպատիժ և այդ պետությունը Հայաստանի միակ ռազմավարական դաշնակից և Հայաստանի սուվերենիտետի միակ երաշխավոր Ռուսաստանի Դաշնությունն է, և ինձ մոտ հարց է առաջանում. եթե մենք կարողանում ենք փորձել օպերատիվ պատժել այն մարդուն, ով հակաադրբեջանական թշնամական ագիտացիա է իրականացնում , ապա ինչու չենք կարողանում նույն համառությամբ պատժել այն մարդկանց որոնք հիմնականում Արևմուտքից գրանտ ստանալով օր ու գիշեր սոցիալական տարբեր հարթակներում և լրատվական կայքերում հայ ժողովրդի մոտ Ռուսաստանի և ռուս ժողովրդի հանդեպ ատելություն են գեներացնում` Ռուսաստանին մեղադրելով անհիմն ամենատարբեր միգուցե նաև բոլոր մեղքերի մեջ։
Սա ճիշտ ճանապարհ չէ և ճիշտ տեղ չի տանում ո'չ Հայաստանը, ո'չ հայ ժողովրդին։
Մհեր Ավետիսյան
