Դատապարտում ենք ԱԱԾ գործելաոճը՝ Ղարիբ Բաբայանի գործի հետ կապված․ ՀՀՄ
Քաղաքականություն
ԱԱԾ հաղորդման հիման վրա «Ռազմավարական Հետազոտությունների Անկախ Կենտրոնի» ղեկավար, 70-ամյա արցախցի Ղարիբ Բաբայանի դեմ հարուցվել է քրեական վարույթ՝ Հանրապետության հրապարակում ադրբեջանական երգ երգող անձանց տեսանյութը հանրայնացնելու համար։
Դատարանը մերժեց Ղարիբ Բաբայանի կալանավորման միջնորդությունը, սակայն կիրառեց վարչական հսկողության խափանման միջոցը:
Եվ փոխարենը ՀՀ Ազգային անվտանգության ծառայությունը գործ հարուցի Երևանի կենտրոնում թշնամանք հրահրող ու մեր ազգային արժանապատվությունը վիրավորող անձանց դեմ, անհեթեթ մեղադրանքով որոշում է պատժել տեսանյութը հրապարակած անձին։
«Հայոց համազգային միասնություն» կուսակցությունը խստագույնս դատապարտում է տեղի ունեցածը և պահանջում կարճել Ղարիբ Բաբայանի դեմ հարուցված խայտառակ քրեական գործը։
Ազգային անվտանգության ծառայության այս քայլը նմանվում է Ադրբեջանի շահերի և հայատյացության թեզերի սպասարկման գործելաոճի։
ԱԱԾ-ն կոչված է ապահովել Հայաստանի Հանրապետության ինքնիշխանությունը, պետական սահմանների անձեռնմխելիությունը, տարածքային ամբողջականությունը, քաղաքացիների իրավունքները, ազատություններն ու օրինական շահերը, ամրապնդել հանրապետության պաշտպանունակությունը։
Այն է՝ քրեական գործը պետք է հարուցվեր ազգային արժանապատվությունը նսեմացնող ադրբեջաներենով «Ղարաբաղը մեր հայրենիքն է» երգողների նկատմամբ։
Փոխարենը իր գործողություններով ԱԱԾ-ն սեփական երկրում խրախուսում է հակահայկական դրսևորումները։
Կոչ ենք անում Ազգային անվտանգության ծառայությանը չդառնալ օրվա իշխանությունների հնազանդ կամակատարն ու թշնամու շահերի սպասարկողը։
«Հայոց համազգային միասնություն» կուսակցություն
Եվ փոխարենը ՀՀ Ազգային անվտանգության ծառայությունը գործ հարուցի Երևանի կենտրոնում թշնամանք հրահրող ու մեր ազգային արժանապատվությունը վիրավորող անձանց դեմ, անհեթեթ մեղադրանքով որոշում է պատժել տեսանյութը հրապարակած անձին։
«Հայոց համազգային միասնություն» կուսակցությունը խստագույնս դատապարտում է տեղի ունեցածը և պահանջում կարճել Ղարիբ Բաբայանի դեմ հարուցված խայտառակ քրեական գործը։
Ազգային անվտանգության ծառայության այս քայլը նմանվում է Ադրբեջանի շահերի և հայատյացության թեզերի սպասարկման գործելաոճի։
ԱԱԾ-ն կոչված է ապահովել Հայաստանի Հանրապետության ինքնիշխանությունը, պետական սահմանների անձեռնմխելիությունը, տարածքային ամբողջականությունը, քաղաքացիների իրավունքները, ազատություններն ու օրինական շահերը, ամրապնդել հանրապետության պաշտպանունակությունը։
Այն է՝ քրեական գործը պետք է հարուցվեր ազգային արժանապատվությունը նսեմացնող ադրբեջաներենով «Ղարաբաղը մեր հայրենիքն է» երգողների նկատմամբ։
Փոխարենը իր գործողություններով ԱԱԾ-ն սեփական երկրում խրախուսում է հակահայկական դրսևորումները։
Կոչ ենք անում Ազգային անվտանգության ծառայությանը չդառնալ օրվա իշխանությունների հնազանդ կամակատարն ու թշնամու շահերի սպասարկողը։
«Հայոց համազգային միասնություն» կուսակցություն
