Երկու ժամ թեժ քննարկումից հետո 32 կողմ և 3 դեմ ձայներով ավագանին երեկ ընդունել է «կարմիր գծերի» թանկացման նախագիծը, որի համաձայն՝ Երևանի կենտրոնում կայանելու համար տարեկան 12 հազարի փոխարեն վարորդները կվճարեն 160 հազար դրամ՝ 13 անգամ ավելի: Երևանի ավագանին հաստատել է նաև մայրաքաղաքի 2024թ․ բյուջեի նախագիծը՝ 32 կողմ 4 դեմ ձայներով:
Քվորումն ապահովվել է «Քաղաքացիական պայմանագրի», «Հանրապետության» և «Հանրային ձայնի» մասնակցությամբ:
Սա հերթական դեպքն է, երբ «Հանրային ձայնի» շնորհիվ իշխանությունը փրկում է իր դեմքը, քաղաքային իշխանությունը կարողանում է խոսուսափել ճգնաժամից ու նոր ընտրություններ անցկացնելու անհրաժեշտությունից:
Ավագանու նիստի ընթացքում դարձյալ տեղ են գտել վիճաբանություններ, փոխադարձ գռեհիկ հայտարարություններ ու կրկին արձանագրվել է իրավիճակը վերահսկելու Տիգրան Ավինյանի անկարողությունը:
Սակայն երեկվա նիստի հայտնությունը դարձել է նախկին քաղաքապետ, «Ազգային առաջընթաց».խմբակցության փաստացի առաջնորդ Հայկ Մարությանը:
«Էդ ինչպե՞ս եղավ, որ դուք Կարմիր գծերի թանկացման որոշումն ընդունեցիք ընտրություններից անմիջապես հետո։ Ինչո՞ւ ընտրությունների շրջանում դրա մասին չէիք խոսում։ Պարզ է, չէ՞ ինչու։ Նույն պատճառով, որով 2021-ի ընտրություններից առաջ չէիք խոսում Արցախի հարցում սպասվող ողբերգական զարգացումների մասին», - ասել է Մարությանը՝ լավագույնս բսցահայտելով իշխանության երկերեսանությունը:
«Էդ ի՞նչ հաղթանակ, ձեռքբերում եք տոնում էդ հրավառություններով»,- այդպես է արձագանքել Մարությանը իշխանության խրախճանքն՝ Արցախի կործանման մասին:
Ի դեպ, երեկ Հայկ Մարությանն առաջնահերթություն է համարել Երևանի ավագանու ընտրությունների անցկացումը: «Իրապես, եթե ընդդիմությունն ուզում է գնալ նոր ընտրությունների՝ մենք այդտեղ խնդիր չունենք»,- սա էլ Ավինյանի արձագանքն է՝ թեև նրա անկեղծությանը գրեթե որևէ մեկը չի հավատում:
