Հայտնի է՝ երբ է ԼՂ-ից բռնի տեղահանվածներին կենսաթոշակ նշանակելու վերջնաժամկետը
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կառավարության հերթական նիստը շարունակվում է, որը վարում է վարչապետ Նիկոլ Փաշինյանը։ ՀՀ աշխատանքի և սոցիալական հարցերի փոխնախարար Դավիթ Խաչատրյանը քիչ առաջ ներկայացրեց ԼՂ-ից բռնի տեղահանված անձանց կենսաթոշակի իրավունքի իրացման ընթացակարգերը։
«Այսպիսով սահմանվում են փախստականի կարգավիճակ ունեցող անձի կենսաթոշակ նշանակելու մասին դիմելու, վերահաշվարկելու, կենսաթոշակի տեսակը փոխելու, վճարելու առանձնահատկությունները։ 2023 թվականի հոկտեմբերի 26-ի ՀՀ կառավարության որոշմամբ ժամանակավոր պաշտպանության տակ վերցված փախստական ճանաչված անձը, որի կենսաթոշակի գործն առկա է ԼՂ կենսաթոշակների բազայում, կարող է կենսաթոշակ ստանալու համար առցանց դիմում ներկայացնել ՀՀ պատկան մարմիններ մինչև 2024 թվականի հունիսի 1-ը։ Ընդ որում, դիմումին որևէ այլ փաստաթուղթ կցելու անհրաժեշտություն չի լինելու։ Այս դեպքում փախստականի կենսաթոշակի իրավունքը չի վերանայվում, ԼՂ-ում բազայում ներառված ստաժը պահպանվում է նույնությամբ։
Կենսաթոշակի չափը հաշվարկվում է ՀՀ օրենսդրությամբ սահմանված կարգով, իսկ կենսաթոշակը նշանակվում է կենսաթոշակի իրավունք ձեռք բերելու օրվանից ոչ շուտ, քան 2023 թվականի հոկտեմբերի 1-ը։
Ինչ վերաբերում է հաշմանդամության կարգին, ապա ԼՂ բժշկասոցիալական փորձաքննություն իրականացնող իրավասու մարմնի տված տեղեկանքները հիմք են ընդունվելու հաշմանդամության կենսաթոշակ նշանակու կամ ստանալու իրավունքը վերականգնելու համար»,- ասաց փոխնախարարը։
Ավելին՝ այստեղ
