Արտակարգ լուր Արարատի մարզից
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր՝ հոկտեմբերի 15-ին, ավտովթար է տեղի ունեցել Արարատի մարզում: Ժամը 11:30-ի սահմաններում Արցախի Հանրապետության քաղաքացի, 35-ամյա Արմեն Մ.-ն իր վարած BMW մակնիշի ավտոմեքենայով Երևան-Մեղրի ավտոճանապարհի 45 կմ հատվածում դուրս է եկել հանդիպակաց երթևեկելի գոտի, ապա դուրս եկել երթևեկելի գոտուց, բախվել հողաթմբերին և կողաշրջված վիճակում հայտնվել դաշտում:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ուղևորներ, Կոտայքի մարզի բնակիչներ, 1-ամյա Սարո Ա.-ն և 30-ամյա Ալիսա Մ.-ն մարմնական վնասվածքներով տեղափոխվել են «Արարատ» բժշկական կենտրոն:
Վիրավորներին առաջինը օգնության են հասել քաղաքացիները և իրենք էլ իրենց ավտոմեքենաներով նրանց տեղափոխել են հիվանդանոց:Օպերատիվորեն ժամանել են ՀՀ Ներքին գործերի նախարարության ոստիկանության ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Մառլեն Սարգսյանի, դասակի հրամանատար Արտյոմ Բեկլարյանի գլխավորությամբ:
Տեղում ծառայություն են կատարել նույն վաշտի ավագ տեսուչներ Սահակ Ավետիսյանն ու Դավիթ Մանուկյանը, որպեսզի հետաքրքրասեր վարորդները ավտոմեքենաները չկայանեն, և խցանում չառաջանա:Դեպքի վայր են ժամանել Ոստիկանության Արարատի մարզային վարչության պետ Սարիբեկ Ռուստամյանը, վարչության պետի օպերատիվ գծով տեղակալ Արմեն Նավասարդյանն ու Ոստիկանության Արարատի բաժնի պետի ժամանակավոր պաշտոնակատար Լևոն Անտոնյանը:
Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Արայիկ Վերդյանը տեղեկությունը փոխանցել է Հայաստանի քննչական կոմիտեի Արարատի մարզային քննչական վարչության Վեդիի քննչական բաժին, որտեղից ժամանել է քննչական խումբը՝ վարչության պետի տեղակալ Ներսես Մուրադյանի, Վեդիի քննչական բաժնի պետ Արթուր Ավետյանի և հատկապես կարևոր գործերով ավագ քննիչ Դավիթ Դավթյանի գլխավորությամբ:
Վարորդը ենթարկվել է սթափության փորձաքննության, եղել է սթափ:Գ. Շամշյանի տեղեկություններով, վթարի պատճառը եղել է ВАЗ 2106 մակնիշի ավտոմեքենայի կողմից չթույլատրելի հատվածով ճանապարհ մտնելը և BMW-ի վարորդի և տրանսպորտային միջոցների համար վթարային իրավիճակ ստեղծելը, ու BMW-ի վարորդը, խույս տալով 06-ի հետ բախումից, կորցրել է ավտոմեքենայի կառավարումը, ինչն էլ դարձել է վթարի պատճառ:
Ավելին՝ այստեղ
