Հրազդանում կերուխումն ավարտվել է սպանությամբ
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ՝ հոկտեմբերի 11-ին, սպանություն է տեղի ունեցել Կոտայքի մարզում։ Ժամը 11:40-ի սահմաններում «Հրազդան» բժշկական կենտրոնից ՀՀ Ներքին գործերի նախարարության Ոստիկանության օպերատիվ կառավարման կենտրոն ահազանգ է ստացվել, որ շտապօգնության բժիշկների հերթապահ խումբը կանչով մեկնել է Հրազդան քաղաքի Վանատուր թաղամասի տներից մեկը, որտեղ հայտնաբերել են տղամարդու դի:
Shamshyan-ի հաղորդմամբ՝ տեղում դատաբժիշկը ոստիկաններին ու քննիչներին հայտնել է, որ մահացածը, ում ինքնությունը պարզել է «Հրազդան» բժշկական կենտրոնի բուժանձնակազմը, 64-ամյա Աշոտ Հ.-ն: Դատաբժշկի նախնական եզրակացության համաձայն դիակի արտաքին զննությամբ գլխի, դեմքի և ձեռքերի շրջանում հայտնաբերվել են մարմնական վնասվածքներ ու մինչ Կոտայքի մարզի ոստիկանները, պարեկները քննարկում էին, թե վնասվածքները ստացել է վայր ընկնելու հետևանքով, Կոտայքի մարզային քննչական վարչության քննիչները պարզել են, որ տեղի ունեցածը սպանություն է:
Աղբյուրի տեղեկություններով՝ քննչական հմուտ գործողությունների արդյունքում պարզվել են սպանության որոշ հանգամանքներ:
Ըստ տեղեկությունների՝ 1 օր առաջ երեկոյան, նշված տանը Աշոտ Հ.-ն, նույն թաղամասի բնակիչներ 41-ամյա Վանուշ Գ.-ն, 55-ամյա Արմեն Հ.-ն և 39-ամյա Խաժակ Պ.-ն միասին ընթրել են, օգտագործելով չափից ավելի մեծ քանակի ոգելից խմիչք՝ այդ թվում տնական օղի, ինչից հետո Խաժակ Պ.-ի և Աշոտ Հ.-ի միչև վիճաբանություն է սկսվել, որի ժամանակ էլ Խաժակ Պ.-ն ձեռքերով և ոտքերով հարվածներ է հասցրել Աշոտ Հ.-ի դեմքին ու մարմնի տարբեր մասերին, իսկ հետո բութ առարկայով հարվածել ծեծված Աշոտ Հ.-ի գլխին, ով ստացած մարմնական վնասվածքներից ժամեր անց, գիտակցության չգալով մահացել է:
