Ուսումնասիրություն. Ջրի վրայի արևային մարտկոցները կարող են սնուցել քաղաքները և փրկել երաշտից
Հասարակություն
Tech.liga.net-ը գրում է, որ աշխարհի հազարավոր քաղաքներ կարող են լիովին ինքնաբավ լինել ջրամբարներում տեղադրված լողացող արևային մարտկոցների շնորհիվ: Այս մասին ասվում է Nature Sustainability-ում հրապարակված հետազոտության մեջ։
Սա համեմատաբար հեշտ միջոց է տեղում վերականգնվող էներգիա արտադրելու և միաժամանակ ջուրը խնայելու համար: Ջրի վրա կախված արևային մարտկոցները կամ լողացող վոլտայիկները աշխատում են այնպես, ինչպես ցամաքում տեղադրվածները:
Հետազոտողները պարզել են, որ 124 երկրների 6256 քաղաքներ տեսականորեն կարող են բավարարել իրենց էլեկտրաէներգիայի ողջ պահանջարկը մոտակա ջրամբարների վրա տեղադրված արևային վահանակներից: Դա անելու համար նրանց պետք է միայն ջրի մակերեսի մոտ 30 տոկոսը ծածկել լողացող արևային մարտկոցներով: Հետազոտողները վերլուծել են 114555 ջրամբարներ ամբողջ աշխարհում, իսկ հետո օգտագործելով իրատեսական կլիմայական տվյալները մոդելավորել էլեկտրաէներգիայի պոտենցիալ արտադրությունը:
Եվ քանի որ այդ բոլոր լողացող զանգվածները գոլորշիացումը նվազեցնելու համար բավականաչափ կփակեն արևի լույսը, հետազոտողները նաև կանխատեսում են ջրի զգալի խնայողություն: Ընդհանուր առմամբ, վահանակները կխնայեն մոտավորապես այնքան ջուր, որքան կարող է օգտագործել տարեկան 300 միլիոն մարդ (կամ տարեկան մոտ 106 խորանարդ կիլոմետր): Դա նաև հողի խնդիր է լուծում, քանի որ հողը վահանակներով չի ծածկվի:
Այնուամենայնիվ, մշակողները դեռ պետք է բացասական կողմնակի ազդեցությունները սահմանափակելու համար գնահատեն յուրաքանչյուր ջրամբար: Օրինակ, եթե դուք ծածկում եք ջրային մարմնի շատ մեծ մասը արևային մարտկոցներով, դա կարող է հանգեցնել ջրում թթվածնի քանակի նվազմանը, ինչը կարող է վնասել ձկներին: Արհեստական ջրամբարների, այլ ոչ թե բնական ջրամբարների վրա կառուցելը կարող է ավելի քիչ վնասակար տարբերակ լինել, նշվել է ուսումնասիրության մեջ:
Նշենք, որ ջրի վրա արևային մարտկոցների որոշ նախագծեր արդեն իսկ սկսել են իրագործվել։
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէլերգիայի ծախսը
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
