Տղամարդու ոտքի վրայի տարօրինակ կապտուկը քաղցկեղի ախտանիշ էր
Հասարակություն
Անգլիական Մեծ Մանչեսթեր կոմսությունից ոստիկան 46-ամյա Ջոն Հեյվուդի ոտքին առաջացել է տարօրինակ կապտուկ, որը պարզվում է քաղցկեղի ախտանիշ էր: Այս մասին հայտնում է The Mirror պարբերականը:
Պարբերականի տեղեկություններով՝ Ջոնն առաջին անգամ կոճի վրայի կապտուկին ուշադրություն է դարձրել 2019 թվականի ամռանը: Այն այդ ժամանակ ոչ մեծ մետաղադրամի չափի էր: Քանի որ նա զբաղվում էր վազքով եւ հեծանվասպորտով, մտածել է, որ ինչ-որ տեղ վնասել է, ուստի կապտուկի վրա ուշադրություն չի դարձրել: սակայն ժամանակի ընթացքում հեմատոման ոչ միայն չի անցել, այլ ավելի է մեծացել, ուստի ոստիկանը որոշել է մաշկաբանի դինել:
Սեպտեմբերին անցկացված հետազոտությունների արդյունքները ցույց են տվել, որ նրա մոտ սարկոմա է՝ հազվագյուտ եւ ագրեսիվ չարորակ ուռուցք: Իսկ եւս մի քանի ամիս հետո պացիենտի մոտ լիմֆոմա են հայտնաբերել՝ արյան բջիջների օնկոլոգիական հիվանդություն:
Ոստիկանը ստիպված էր ժամանակավորապես ծառայությունից հրաժարվել՝ բուժում անցնելու համար: Նրա խոսքով՝ իրեն շատ է օգնել կինը, որը նախկինում բուժքույր է եղել, իսկ հիմա ղեկավար պաշտոն է զբաղեցնում քաղցկեղի բուժման տեղական կազմակերպությունում: Ջոնի խոսքով՝ ամենադժվարը 8-ամյա դստերն իր ախտորոշման մասին հայտնելն էր:
Ջոնն արդեն կոճի վրա երկու վիրահատության է ենթարկվել՝ սարկոմայից ազատվելու հույսով, սակայն առայժմ չի հաջողվում հիվանդությունը հաղթահարել: Հիմա նա պետք է անցի 5-շաբաթյա ռադիոթերապիայի կուրս: Այս մեթոդն արդեն նրան օգնել է հաղթահարել լիմֆոման, եւ նա դրա հետ մեծ հույսեր է կապում:
