Գ.Վ. Պլեխանովի անվան ՌՏՀ-ի Երևանի մասնաճյուղ էր այցելել Հայաստանում Ռուսաստանի առևտրային ներկայացուցչության պատվիրակությունը
Քաղաքականություն
Ապրիլի 26֊ին Գ.Վ. Պլեխանովի անվան ՌՏՀ֊ի Երևանի մասնաճյուղ էր այցելել Հայաստանում Ռուսաստանի առևտրային ներկայացուցչության պատվիրակությունը՝ առևտրային ներկայացուցիչ Աննա Վալերիևնա Դոնչենկոյի գլխավորությամբ։
Հանդիպումն անց էին կացնում Գ.Վ.Պլեխանովի անվան ՌՏՀ֊ի Երևանի մասնաճյուղի հոգաբարձուների խորհրդի նախագահ Արման Վարդանյանը և Գ.Վ.Պլեխանովի անվան ՌՏՀ֊ի Երևանի մասնաճյուղի տնօրեն Թամարա Վարդանյանը։
Հանդիպման մասնակիցները քննարկեցին Երևանի մասնաճյուղի Արդյունաբերական գործընկերների խորհրդի աշխատանքի արդյունքները և դրա հետագա զարգացման հեռանկարները։ Կողմերը քննարկեցին ԱԳԽ-ի կազմի ընդլայնման հարցերը և համալսարանի հնարավորությունները գիտական թիմի համագործակության վերաբերյալ Հայաստանի ու Ռուսաստանի գործարար համայնքի հետ։
Առևտրային ներկայացուցիչ Ա.Վ. Դոնչենկոն մատնանշեց Արդյունաբերական գործընկերների խորհրդի աշխատանքի առաջնահերթ ոլորտները և արդյունավետ գործընկերության ձևավորման կարևորությունը:
Մասնաճյուղի տնօրենը բարձր գնահատեց Ռուսաստանի Առևտրային ներկայացուցչության կողմից մասնաճյուղին ցուցաբերվող աջակցության կարևորությունը ԱԳԽ-ի շրջանակներում գործող եռակողմ ձևաչափի ամրապնդման գործում:
Իր հերթին հոգաբարձուների խորհրդի նախագահ Ա.Ռ․ Վարդանյանը նաև պատրաստակամություն հայտնեց՝ աջակցելու երկրի գործարար համայնքի կապի ամրապնդմանը համալսարանի գիտական ներուժի հետ՝ նպատակ ունենալով սուբսիդավորել գիտահետազոտական և զարգացման աշխատանքները (ԳԶԱ), ինչը Գ.Վ.Պլեխանովի անվան ՌՏՀ֊ի Երևանի մասնաճյուղի ռազմավարական զարգացման հիմնական ուղղություններից է։
