Քոչարյանը՝ իր դեմ դատավարության մասին. Աբսուրդ, կլոունադա
ՀասարակությունՊարզապես մի կին ցուցմունք է տվել, եւ դա հիմք է հանդիսացել քրեական գործի եւ մեղադրանքի համար։ Այս մասին փետրվարի 17-ին լրագրողների հետ հանդիպման ժամանակ հայտարարեց ՀՀ երկրորդ նախագահ Ռոբերտ Քոչարյանը՝ պատասխանելով իր դեմ դատավարության եւ կաշառք վերցնելու մեղադրանքներին վերաբերող հարցին։
Հարցին՝ արդյո՞ք ինքը պատրաստ է ձերբակալվել, նախագահը նշեց, որ եթե պատրաստ չլիներ, այստեղ չէր լինի։ «Իհարկե պատրաստ եմ։ Բայց օգտվեմ առիթից՝ մեղադրանքի բովանդակության մասին խոսելու համար։ Երեկ փաստաբաններն ասում էին, որ չեն հասկանում մեղադրանքի էությունը։ Եթե չենք հասկանում, ապա բացատրել էլ չենք կարող: Ես իսկապես չեմ հասկանում։ Երբ ինձ մեղադրանք առաջադրեցին սահմանադրական կարգի տապալման համար, անմիջապես կալանք դրեցին իմ ունեցվածքի եւ հաշիվների վրա, թեեւ իրավունք չունեին, քանի որ հոդվածը գույքային պատասխանատվություն չէր ենթադրում»,- հիշեցրես Քոչարյանը՝ հավելելով, որ նաեւ ապօրինի խախտվել է բանկային գաղտնիքը։ «Քննչական մարմիններից մեկն ասում է, որ օպերատիվորեն դադարեցրել է շարժը հաշիվներին։ Դու պետություն ես, թե՞ ինչ։ Տեղի ունեցողը տեղավորվում է քրեական պատասխանատվության մեջ, կգա ժամանակը եւ դա տեղի կունենա»,- խոստացավ Քոչարյանը։
«Վերջին պահին մեղադրանք ավելացվեց գույքային կալանքն օրինականացնելու համար։ Հարցի էությունն ինչի՞ մեջ է: Սա ամենահետաքրքիրն է։ Սիլվա Համբարձումյան անունով մի կին, ում մինչ այդ դեպքը չեմ ճանաչել եւ չէի կասկածում նրա գոյության մասին մինչ այս քրեական գործը։ Նա ինչ-որ լիցենզիա ուներ հանքերի հետազոտման համար: Նա ուզում էր այդ լիցենզիաները վերավաճառել ինչ-որ մեկին եւ, մի ցուցմունքի համաձայն, նա կաշառք է տվել, մյուսի համաձայն, ցանկացել է շնորհակալություն հայտնել, եւ կաշառք է տվել ինձ եւ Սերժ Սարգսյանին։ Այն ժամանակ լիցենզիա վերավաճառելու համար օրենքով թույլտվություն չէր պահանջվում: Ասում է՝ գումարն առաջարկել է, որ իրեն չխանգարեն։ Հարցին՝ քեզ խանգարել են, թե՞ ոչ, ասում է՝ ոչ։ Բայց մտածել է, որ իրեն կարող են խոչընդոտել, եւ չխոչընդոտելու համար փող է առաջարկել։ Ուղղակի աբսուրդ։ Իսկ մեղադրական եզրակացության մեջ ոչինչ չկա։ Պարզապես մի կին ցուցմունք է տվել, եւ դա հիմք է հանդիսացել քրեական գործի եւ մեղադրանքի համար։ Մենք նույնիսկ չենք հասկանում, թե ինչու, ինչ եմ արել, ինչը չպետք է անեի եւ հակառակը։ Եվ հատկապես նախագահը՝ 2007-8թթ.-ին, այս հարցում իրավասություն չուներ»,- պարզաբանեց Քոչարյանը՝ հավելելով, որ 2007 թվականի խորհրդարանական ընտրություններից հետո ինքը նույնիսկ կառավարության շենք չի մտել։
Առաջարկում եմ Տուրիստական փաթեթներ գինը՝ 179000 դրամ
«Երբ ես դատարանում խնդրեցի պարզաբանել, թե ինչ լիազորությունների մասին է խոսքը, ոչ դատավորը, ոչ դատախազը չկարողացան պատասխանել։ Նրանք իրենք են խոստովանում, որ դա աբսուրդ է, կլոունադա»,- գնահատական տվեց Քոչարյանը։ Հարցին՝ կարո՞ղ է արդյոք դատավճիռ լինել դատաիրավական համակարգի շուրջ ստեղծված այս իրավիճակում, Քոչարյանը պատասխանեց. «Այո, կարող են։ Եթե դատավոր Բախշիյանին կալանավորեին... չնայած չեմ կարծում, որ հիմարությունն այդպիսի չափերի կհասնի։ Բոլորը կտեսնեն, թե ինչ աբսուրդ է։ Համբարձումյանն ասում է, որ Օսկանյանի միջոցով է առաջարկել. Օսկանյանն ասում է, որ գումարի փոխանցման հարց ոչ մեկի հետ չի քննարկել. Համբարձումյանն ասում է, թե իբր Մայրապետյանի միջոցով է փոխանցել, Մայրապետյանն ասում է, որ դա աբսուրդ է եւ երբեք այդպիսի բան չի արել։ Եթե նման մեղադրանքով կարելի է կալանավորել, կալանավորեք, կտեսնենք»,- ասաց Քոչարյանը։
