Ադրբեջանցիները հրաժարվում են վերադարձնել Տեղի բնակչի 300 ոչխարները
ՀասարակությունՏեղ գյուղի բնակիչ Սուրիկ Մաթևոսյանի մոտ 300 ոչխարները, որոնք ադրբեջանցիները առևանգել էին, մինչեւ այժմ չեն վերադարձրել։ NEWS.am-ի հետ զրույցում ասաց Տեղ համայնքի ղեկավար Դավիթ Ղուլունցը։
«Դե որ այսքան ժամանակ չեն տվել, դժվար էլ վերադարձնեն, ասում են` չկա, չեն տալիս էլի: Խաղաղապահների միջոցով էլ փորձեցինք վերադարձնել, սակայն ոչինչ չստացվեց»,- ասաց նա:
Ղուլունցը նշեց, որ մարզպետը ասել է, որ գրությամբ դիմեն մարզպետարան, որպեսզի փոխհատուցում տրամադրեն Սուրիկ Մաթեւոսյանին:
«Բոլոր ոչխարները մի հոգու են պատկանում, վնասը շատ մեծ է, դրա պատճառով անպայման փոխհատուցում կտրվի գումարի տեսքով»,- ասաց նա:
Համայնքապետը նշեց, որ այլ միջադեպեր չեն գրանցվել եւ հույս հայտնեց, որ սահմանազատման գործընթացից հետո ամեն ինչ կկարգավորվի եւ նման միջադեպեր այլեւս տեղի չեն ունենա:
Ավելին՝ այստեղ
