Ադրբեջանի և Իրանի ԱԳ նախարարները մտքեր են փոխանակել երկու երկրների համագործակցության վերջին զարգացումների մասին

Իրանի եւ Ադրբեջանի արտաքին գործերի նախարարները հանդիպել են Իսլամաբադում Իսլամական համագործակցության կազմակերպության ԱԳ նախարարների հանդիպման շրջանակում, հայտնել է իրանական «ԻՌՆԱ» լրատվական գործակալությունը։

Նշվում է, որ Հոսեյն Ամիր Աբդոլլահիանը եւ Ջեյհուն Բայրամովը մտքեր են փոխանակել երկու երկրների համագործակցության վերջին զարգացումների մասին։

Կողմերը «գոհունակություն են հայտնել հարաբերությունների զարգացման միտումից, ինչպես նաեւ քննարկել են երկու երկրների համագործակցության հետ կապված վերջին զարգացումները»։