Ինչ կենսագրություն ունի Հայկ Գրիգորյանը, ով այսօր ազատվելու է ՔԿ նախագահի պաշտոնից

Այսօր Նիկոլ Փաշինյանի որոշմամբ ՔԿ նախագահի տեղակալ Արգիշտի Քյարամյանն ազատվեց պաշտոնից ու նշանակվելու է ՔԿ նախագահ՝ փոխարինելով Հայկ Գրիգորյանին: Ստորև ներկայացնում ենք Գրիգորյանի կենսագրությունը.

Կենսագրական տվյալներ

Ծնվել է 1976 թվականի սեպտեմբերի 15-ին Երևան քաղաքում։

Ծառայությունը Զինված Ուժերում

1994 – 1996թթ. ծառայել է Հայաստանի Հանրապետության զինված ուժերում:

Կրթություն

1993թ. ավարտել է Երևան քաղաքի Ա.Բլոկի անվան № 122 միջնակարգ դպրոցը:

1997թ. ընդունվել է Ռուսաստանի Դաշնության պաշտպանության նախարարության ռազմական համալսարանի հատուկ ֆակուլտետի դատախազաքննչական բաժինը:

2001թ. էքստեռն եղանակով գերազանցությամբ՝ ոսկե մեդալով, ավարտել է Ռուսաստանի Դաշնության պաշտպանության նախարարության ռազմական համալսարանի հատուկ ֆակուլտետի դատախազաքննչական բաժինը` «իրավագիտություն» մասնագիտացմամբ, «իրավաբանի» որակավորմամբ:

2006թ. ընդունվել է Ռուսաստանի Դաշնության պաշտպանության նախարարության ռազմական համալսարանի ադյունկտուրա:

2009թ. պաշտպանել է թեկնածուական ատենախոսություն` «Զինված ընդհարումների շրջաններում Հայաստանի Հանրապետության զինված ուժերի զինծառայողների կողմից կատարված հանցագործությունների քննությունը» վերտառությամբ՝ ստանալով իրավաբանական գիտությունների թեկնածուի գիտական աստիճան:

2013թ. ընդունվել է Ռուսաստանի Դաշնության պաշտպանության նախարարության ռազմական համալսարանի հեռակա ուսուցմամբ դոկտորանտուրա, որտեղ պատրաստել է դոկտորական ատենախոսությունը՝ «Զինված ընդհարման ժամանակ հակամարտող կողմերի կատարած պատերազմական հանցագործությունների քննության միջազգային իրավական և կազմակերպչական հիմքերը» վերտառությամբ:

Աշխատանքային գործունեություն

Ծառայությունը Հայաստանի Հանրապետության դատախազությունում

2001 – 2006թթ. – ՀՀ զինվորական դատախազության Երևանի, 2-րդ և 3-րդ կայազորներում՝ նախ որպես քննիչ – ստաժոր, ապա՝ քննիչ, այնուհետև՝ ավագ քննիչ:

25.08.2006թ. Ռուսաստանի Դաշնության պաշտպանության նախարարության ռազմական համալսարանի ադյունկտուրա ընդունվելու, թեկնածուական ատենախոսությունը նախապատրաստելու և պաշտպանելու համար, սեփական դիմումի համաձայն, ազատվել է զբաղեցրած պաշտոնից:

Ծառայությունը Հայաստանի Հանրապետության պաշտպանության  նախարարությունում

2009թ. – ՀՀ պաշտպանության նախարարության քննչական ծառայության վերահսկողության, մեթոդիկայի և վերլուծության բաժնի ավագ քննիչ:

2010թ. – ՀՀ պաշտպանության նախարարության քննչական ծառայության 2-րդ կայազորային քննչական բաժնի պետ (ՀՀ ՊՆ թիվ № 55292 զորամասի հրամանատար):

2011թ. – ՀՀ պաշտպանության նախարարության քննչական ծառայության պետի տեղակալ (ՀՀ ՊՆ թիվ № 55555 զորամասի հրամանատարի տեղակալ):

Ծառայությունը Հայաստանի Հանրապետության քննչական կոմիտեում

2014թ. – վերանշանակվել է ՀՀ քննչական կոմիտեի զինվորական քննչական գլխավոր վարչության պետի տեղակալ:

2015թ. – ՀՀ քննչական կոմիտեի նախագահի տեղակալ – զինվորական քննչական գլխավոր վարչության պետ:

2018թ. – ՀՀ քննչական կոմիտեի նախագահ:

Դասային աստիճան

Արդարադատության երրորդ դասի պետական խորհրդական:

Պարգևներ

Աշխատանքային գործունեության ընթացքում պարգևատրվել է 21 մեդալով, 4 հուշամեդալով, 1 պետական պարգևով և 3 կրծքանշանով:

Ավելին՝ այստեղ