Գյուղական բնակավայրում բնակվող ծնողին մինչև երեխայի 2 տարին լրանալը կտրվի խնամքի նպաստը, անկախ այն հանգամանքից՝ ծնողն աշխատում է, թե ոչ
Հասարակություն
Այսօր խորհրդարանն առաջին ընթերցմամբ՝ 90 կողմ ձայնով վավերացրեց կառավարության կողմից ներկայացված «Պետական նպաստների մասին» ՀՀ օրենքում փոփոխություններ և լրացումներ կատարելու մասին օրենքի նախագիծը:
Նախագծով առաջարկվում է գյուղական բնակավայրում բնակվող ծնողին մինչև երեխայի 2 տարին լրանալը խնամքի նպաստը նշանակել և վճարել՝ անկախ այն հանգամանքից, թե ծնողը վարձու աշխատող է, թե գործազուրկ, իսկ եթե ծնողը նաև վարձու աշխատող է, ապա նպաստը կկրկնապատկվի:
Նախագծով սահմանվում է, որ եթե երեխայի ծնողը համարվի վարձու աշխատող ու միաժամանակ բնակվի գյուղական համայնքում, ապա նրան կվճարվի երկու նպաստ, այսինքն` նպաստի չափը կկազմի 53 հազար դրամ:
